წარმოუდგენელი ადამიანი ობობა 2-ის ქასთინგი ინტენსიურ რეჟიმში მიმდინარეობს და შემოქმედებითი ჯგუფი პარალელურად რამოდენიმე მიმართულებით ეძებს მსახიობებს.

დღეს TotalFilm-მა გაავრცელა ინფორმაცია, რომ ობობას მეორე ნაწილში ერთ-ერთი ანტიგმირი იქნება მაიკლ მორბიუსი, შეგახსენებთ რომ ორიგინალი კომიქსის მიხედვით მორბიუსი არის პიტერ პარკერის მეგობარი და კოლეგა კორპორაცია „ოსკორპში", ის ასევე არის ნობელის პრემიის ლაურიატი ბიოქიმიის განხრით. მორბიუსი დაავადებულია სისხლის უიშვიათესი დაავადებით, რის გამოც მიიღებს ექსპერიმენტში მონაწილეობას, სადაც შემთხვევით მისი და ღამურის გენები გაერთიანდება და ის ვამპირად იქცევა.

მაიკლ მორბიუსის როლისთვის უკვე მსახიობიც შეარჩიეს. მარველიც ამ პერსონაჟს სამხრეთ აზიელი მსახიობი აზიმ აჰმადი (Asim Ahmad) ითამაშებს, რომელმაც დღეს თავის თვითერზე დაწერა:

„მორბიუსი სცენარის სულ 2 ფურცელზე მოიხსენიება. ჩემი როლი ძალიან პატარაა."

ამ პერსონაჟის ასეთ ეპიზოდურ როლზე გამოჩენის ორი ლოგიკური მიზეზი შეიძლება არსებობდეს. პირველი – ერთგვარი რევერანსი კომიქსის ფანებისათვის და მეორე – ფილმის მესამე ნაწილის სიუჟეტის გარკვეული მინიშნება. თუმცა თუ გავითვალისწინებთ იმას, რომ აზიმ აჰმედი ნაკლებად ცნობილი მსახიობია, უფრო რეალური ალბათ პირველი ვერსიაა.

შეგახსენებთ რომ წარმოუდგენელი ადამიანი ობოა 2-ში მთავარ როლებს ასრულებენ ენდრიუ გარფილდი, ემა სთოუნი, შეილინ ვუდლი და ჯეიმი ფოქსი. პრემიერა დაგეგმილია 2014 წლის 2 მაისს.

კატეგორია: კინო სიახლე | ნანახია: 1202 | დაამატა: temo | ტეგები: “წარმოუდგენელი ადამიანი ობობა 2″-ში | რეიტინგი: 5.0/1

სულ კომენტარები: 2

Comments display order:

2013-01-10	(Ответить) kaia --------------------

2013-01-10	(Ответить) dzalian momwons --------------------

GEO.SAITEBI.IN